AYİB: Qlobal enerji qiymətlərinin artması Azərbaycana əlavə gəlirlər qazandıra bilər
Jun 06, 2026
Avropa Yenidənqurma və İnkişaf Bankının (AYİB) iyunun 3-də dərc olunmuş ən son hesabatında bildirilir ki, ötən il Azərbaycan iqtisadiyyatının artım tempində müəyyən zəifləmə qeydə alınıb. Karbohidrogen hasilatının azalması 2026-cı ilin əvvəlində iqtisadi artımın müvəqqəti zəifləməsinə səbəb olub.
Məlumata görə, 2025-ci ildə real ÜDM artımı 1,4 faizədək azalmış, 2026-cı ilin birinci rübündə isə ümumi buraxılış illik ifadədə 0,3 faiz azalmışdır. Buna neft-qaz sektorunda hasilatın 1,2 faiz düşməsi və qeyri-neft sektorundakı artımın 0,2 faizədək azalması səbəb olmuşdur.
Həmçinin cari ilin ilk rübündə inflyasiya orta hesabla 5,7 faiz təşkil edərək, Mərkəzi Bankın hədəf diapazonunun yuxarı həddinə yaxınlaşıb.
Hesabat dövründə ümumi fiskal profisit 2024-cü ildəki 4,1 faiz ÜDM göstəricisindən 2025-ci ildə təxminən 2,6 faizədək azalıb. Bununla belə, dövlət borcu və dövlət zəmanətli borclar ilin sonunda ÜDM-in 28 faizi həcmində olmaqla aşağı səviyyədə qalıb.
Cari əməliyyatlar hesabının profisiti isə 2024-cü ildəki 6,3 faizdən 2025-ci ildə ÜDM-in 4,6 faizinə düşüb. Bu iqtisadi mənzərə fonunda Mərkəzi Bankın və Azərbaycan Respublikası Dövlət Neft Fondunun (ARDNF) birgə xarici aktivləri artmaqda davam edərək 2025-ci ildə ÜDM-in 112 faizinə çatıb.
Hesabata əsasən, 2026-cı ilin əvvəlindəki zəif göstəricilərdən sonra real ÜDM artımı 2026-cı ildə 2,0 faizədək, 2027-ci ildə isə 2,5 faizədək yüksələcək. Bununla belə, iqtisadi artım perspektivləri karbohidrogen qiymətlərindən və hasilat həcmindən asılı olaraq qalır.
Sənəddə həmçinin vurğulanır ki, Yaxın Şərqdəki münaqişə fonunda qlobal enerji qiymətlərinin yüksəlməsi Azərbaycan üçün gözlənilməz əlavə gəlirlər yarada bilər. Bu isə regional münaqişənin mənfi təsirlərini neytrallaşdırmağa, iqtisadi artımı stimullaşdıran xərcləri və investisiya qoyuluşlarını dəstəkləməyə imkan verəcək.
Bundan əlavə, ABŞ-nin vasitəçiliyi ilə Ermənistanla əldə olunmuş sülh çərçivəsinin stimullaşdırdığı regional nəqliyyat-kommunikasiya və ticarət təşəbbüsləri, eləcə də
bərpaolunan enerji mənbələrinə davamlı irimiqyaslı investisiyalar ortamüddətli perspektivdə iqtisadi artımı və diversifikasiyanı sürətləndirə bilər.
SON XƏBƏRLƏR
Jun 06, 2026
AYİB: Qlobal enerji qiymətlərinin artması Azərbaycana əlavə gəlirlər qazandıra bilər
News
Avropa Yenidənqurma və İnkişaf Bankının (AYİB) iyunun 3-də dərc olunmuş ən son hesabatında bildirilir ki, ötən il Azərbaycan iqtisadiyyatının artım tempində müəyyən zəifləmə qeydə alınıb. Karbohidrogen hasilatının azalması 2026-cı ilin əvvəlində iqtisadi artımın müvəqqəti zəifləməsinə səbəb olub.
Jun 06, 2026
Almaniya ilə Azərbaycan "yaşıl hidrogen" üzrə yeni layihə hazırlayır - EKSKLÜZİV
News
Almaniya ilə Azərbaycan əməkdaşlığın genişləndirilməsi üçün "yaşıl hidrogen" sahəsi daxil olmaqla, layihələr hazırlayır.
Jun 04, 2026
Aİ və Azərbaycan yeni ikitərəfli saziş üzrə danışıqları bərpa edir
News
2 və 3 iyun tarixlərində Bakıda Azərbaycan ilə Avropa İttifaqı arasında Tərəfdaşlıq Prioritetləri və yeni Hərtərəfli Saziş üzrə danışıqların növbəti mərhələsi keçirilib. Danışıqlar Aİ və Azərbaycan arasında münasibətlərin 30 illiyi ilə eyni vaxta təsadüf edib.
Jun 02, 2026
Azərbaycan Bolqarıstan və Aİ ölkələri üçün etibarlı tərəfdaşdır
News
Kiril Temelkov, Bolqarıstan Respublikasının energetika nazirinin müavini
Jun 01, 2026
Aİ Azərbaycanla təmiz elektrik enerjisi ticarəti üzrə əməkdaşlıq etmək istəyir
News
Azərbaycanın Xəzər dənizindəki külək enerjisindən istifadə etmək üçün çox iddialı planları var və Avropa İttifaqı (Aİ) gələcəkdə yaşıl enerji dəhlizi vasitəsilə təmiz elektrik enerjisinin ticarəti sahəsində də əməkdaşlıq etməyi planlaşdırır.
May 16, 2026
Aİ-nin ənənəvi "Avropa şəhərciyi" bu il Gəncədə keçiriləcək
News
Avropa İttifaqının (Aİ) ənənəvi "Avropa şəhərciyi" tədbiri bu ilin iyun ayında Gəncə şəhərində keçiriləcək.
May 06, 2026
Azərbaycan və Aİ əməkdaşlıq imkanlarını araşdırır
News
Mayın 5-də Azərbaycanın xarici işlər naziri Ceyhun Bayramov Avropa İttifaqının xarici işlər və təhlükəsizlik siyasəti üzrə ali nümayəndəsi və Avropa Komissiyasının vitse-prezidenti Kaja Kallas ilə görüşüb.
Apr 28, 2026
Qəbələdə Azərbaycan-Çexiya biznes-forumu keçirilib
News
Aprelin 27-də Qəbələdə Azərbaycan Respublikasının Prezidenti İlham Əliyevin və Çex Respublikasının Baş naziri Andrey Babişin iştirakı ilə Azərbaycan-Çexiya biznes-forumu keçirilib.
Apr 24, 2026
Azərbaycan-Latviya biznes-forumu çərçivəsində bir sıra sənədlər imzalanıb
News
Azərbaycan-Latviya biznes-forumu çərçivəsində AZPROMO ilə Latviya Ticarət və Sənaye Palatası, “Caspian Energy Club International” MMC ilə “Power House Latvia” LCC arasında Anlaşma memorandumları imzalanıb.
Apr 20, 2026
Latviya Azərbaycan ilə Aİ arasında praktiki əməkdaşlığın inkişafına fəal töhfə verir (ÖZƏL MÜSAHİBƏ)
News
Latviya Azərbaycan ilə Avropa İttifaqı (Aİ) arasında praktiki əməkdaşlığın inkişafına fəal şəkildə töhfə verir.
Apr 17, 2026
Azərbaycan və Aİ yeni ikitərəfli saziş üzrə danışıqları bərpa etməyi müzakirə edir
News
16 apreldə Brüsseldə yeni ikitərəfli saziş üzrə danışıqları bərpa etmək və Tərəfdaşlıq Prioritetləri sənədi üzrə əlavə müzakirələr aparmaq üçün Azərbaycan və Avropa İttifaqı nümayəndə heyətləri arasında görüş keçirildi.
Apr 09, 2026
Azərbaycanın bərpa olunan mənbələrdən istehsal edilən enerjisi artıq beynəlxalq sertifikatlaşdırılır
News
Azərbaycan bərpa olunan enerji sektorunun inkişafı və dekarbonizasiya hədəflərinə nail olmaq istiqamətində mühüm addım ataraq, Beynəlxalq Bərpa Olunan Enerji Sertifikatları sistemi I-REC(E) mexanizmini tətbiq etməyə başlayır.
