Beynəlxalq tədbirdə Azərbaycanın nəqliyyat əlaqələrinin rəqəmsallaşdırılması ilə bağlı prioritetlərindən danışılıb
Feb 09, 2026
Azərbaycan nümayəndə heyəti İqtisadi Əməkdaşlıq və İnkişaf Təşkilatının Avrasiya Həftəsi çərçivəsində keçirilən plenar sessiyada iştirak edib.
Rəqəmsal İnkişaf və Nəqliyyat Nazirliyindən Trend-ə verilən məlumata görə, “Transxəzər nəqliyyat dəhlizi və regional iqtisadi bağlantılar” mövzusuna həsr olunan tədbirdə Orta Dəhlizin artan strateji əhəmiyyəti və ölkəmizin bu marşrutun inkişafındakı aparıcı rolu diqqətə çatdırılıb.
Bildirilib ki, Orta Dəhliz tranzit marşrut olmaqla yanaşı, regional iqtisadi inteqrasiya və Avrasiya məkanında əməkdaşlıq üçün əsas platformaya çevrilib. Azərbaycanın son illərdə dəmir yolu, liman, dəniz və logistika infrastrukturlarına yatırdığı investisiyalar dəhlizin mövqeyini gücləndirib.
Azərbaycan nümayəndə heyəti iştirakçılara Bakı – Tbilisi – Qars dəmir yolu xəttində modernləşdirmə işlərinin tamamlanması, Xəzər dənizində limanların və flotiliyanın birgə genişləndirilməsi, Zəngəzur dəhlizinin mühüm diversifikasiya elementi olması barədə də məlumat verib.
Həmçinin vurğulanıb ki, Transxəzər nəqliyyat dəhlizinin uzun müddət rəqabətədavamlı olması təkcə yolların və infrastrukturun qurulmasından asılı deyil. Bunun üçün sərhəd prosedurlarının sadələşdirilməsi, qaydaların uyğunlaşdırılması, iş prosesinin sürətləndirilməsi və rəqəmsal texnologiyaların tətbiqi də vacibdir. Azərbaycan bu istiqamətdə təşəbbüslərini genişləndirir. Qanunvericilikdə dəyişiklik edilib, müvafiq hüquqi baza formalaşdırılıb, dövlət başçısının Fərmanı ilə əməliyyatların səmərəliliyi və proqnozlaşdırma keyfiyyətini əhəmiyyətli dərəcədə yüksəldəcək “Bir pəncərə” informasiya sistemi yaradılır. Hazırlanmaqda olan Rəqəmsal Logistika Platforması nəqliyyat, gömrük və logistika iştirakçılarını vahid elektron sistemdə birləşdirərək real vaxt rejimində məlumat mübadiləsini təmin edəcək. Nəticədə proseslər daha şəffaf və çevik həyata keçiriləcək.
Plenar sessiyada Azərbaycanın İqtisadi Əməkdaşlıq və İnkişaf Təşkilatı yanında Beynəlxalq Nəqliyyat Forumuna prezidentliyindən də danışılıb. Qeyd edilib ki, nəqliyyat əlaqələrinin gücləndirilməsi prezidentliyin prioritetlərindən biridir. Azərbaycan Orta Dəhlizin dayanıqlı, rəqabətli, rəqəmsal və inteqrasiya olunmuş regional bağlantı xəttinə çevrilməsi istiqamətində əməkdaşlığı davam etdirməkdə maraqlıdır.
SON XƏBƏRLƏR
Feb 09, 2026
Beynəlxalq tədbirdə Azərbaycanın nəqliyyat əlaqələrinin rəqəmsallaşdırılması ilə bağlı prioritetlərindən danışılıb
News
Azərbaycan nümayəndə heyəti İqtisadi Əməkdaşlıq və İnkişaf Təşkilatının Avrasiya Həftəsi çərçivəsində keçirilən plenar sessiyada iştirak edib.
Feb 08, 2026
Aİ Naxçıvanda İqlim və Enerji üzrə Merlər Razılaşmasına həsr olunmuş tədbir keçirəcək
News
Avropa İttifaqı Naxçıvanda İqlim və Enerji üzrə Merlər Razılaşmasına həsr olunmuş tədbir keçirəcək.
Feb 03, 2026
Aİ və Azərbaycan investisiya və əlaqələri artırmaq üçün əməkdaşlığı gücləndirir
News
Bu gün Avropa İttifaqı və Azərbaycan Aİ-nin Qlobal Qapı təşəbbüsü və bu yaxınlarda təqdim edilən Regionlararası Əlaqə Gündəliyi çərçivəsində tərəfdaşlıqlarını gücləndirmək barədə razılığa gəldilər.
Feb 02, 2026
Latviya Ticarət və Sənaye Palatası Azərbaycanla gələcək biznesin dəstəklənməsi layihələri üçün imkanları araşdırır (ÖZƏL)
News
Latviya Ticarət və Sənaye Palatası Azərbaycanla biznes-delegasiyaları və qarşılıqlı səfərləri iqtisadi əməkdaşlığın inkişafı üçün effektiv və özünü doğrultmuş alət kimi qiymətləndirir.
Jan 28, 2026
Azərbaycan və Aİ daha güclü iqtisadi əməkdaşlığa niyyətlidirlər
News
Azərbaycanın İqtisadiyyat naziri Mikayıl Cabbarov Avropa Komissiyasının Genişlənmə və Şərq Qonşuluğu üzrə baş direktoru Gert Yan Kupman ilə iqtisadi əməkdaşlığın gücləndirilməsinə diqqət yetirərək danışıqlar aparıb.
Jan 27, 2026
Azərbaycan Avropa ilə iki yeni enerji müqaviləsi imzalayıb
News
Azərbaycan Avstriya və Almaniya ilə iki yeni enerji təchizatı müqaviləsi imzalayıb və bununla da Avropanın əsas təchizatçısı kimi mövqeyini möhkəmləndirib.
Jan 22, 2026
Mikayıl Cabbarov: "Aİ ilə nəqliyyat-logistika infrastrukturunun inkişafı müzakirə olunub"
News
İsveçrədə keçirilən Dünya İqtisadi Forumunun 2026-cı il toplantısı (World Economic Forum 2026 – WEF 2026) çərçivəsində Azərbaycanla Avropa İttifaqı arasında iqtisadi əlaqələrin inkişafı və mövcud potensialın reallaşdırılması məsələləri müzakirə olunub.
Jan 21, 2026
Prezident Marta Kosla görüşüb
News
Azərbaycan Respublikasının Prezidenti İlham Əliyev yanvarın 21-də Davosda Avropa İttifaqının Genişlənmə üzrə komissarı Marta Kosla görüşüb.
Jan 16, 2026
“Xəzər-Qara dəniz-Avropa” Yaşıl Enerji Dəhlizi İtaliyanın elektrik enerjisindən faydalanmasına imkan yaradacaq
News
2032-ci ildən etibarən mərhələli şəkildə istismara veriləcək “Xəzər-Qara dəniz-Avropa” Yaşıl Enerji Dəhlizi Avropa bazarına ötürüləcək elektrik enerjisindən İtaliyanın da faydalanmasına imkan yaradacaqdır.
Jan 05, 2026
Dünya Bankı Azərbaycana birbaşa xarici investisiyalarla bağlı əsas çətinlikləri açıqladı
News
Dünya Bankı Azərbaycana birbaşa xarici investisiyalarla bağlı əsas çətinlikləri açıqlayıb.
Dec 18, 2025
AYİB AccessBank-a gənc sahibkarlara kreditlər vermək üçün 20 milyon ABŞ dolları ayırıb
News
Avropa Yenidənqurma və İnkişaf Bankı (AYİB) mikro, kiçik və orta sahibkarlığa (KOB) yönəlmiş aparıcı Azərbaycan banklarından biri olan AccessBank-a 20 milyon ABŞ dollarına (17,1 milyon avro) qədər kredit ayırır.
Dec 06, 2025
EBRD Azərbaycanın enerji sektorunun dekarbonizasiyası ilə bağlı tövsiyələr hazırlayıb
News
Energetika Nazirliyində "Azərbaycanda enerji sektorunun dekarbonizasiyasına yönəlmiş siyasət və texnologiyalar üzrə tövsiyələr" sənədinin təqdimatı keçirilib.
