Sep 19, 2024
Qeydiyyatdan keçin! EU4Digital İKT və İnnovasiyalar Forumu: Şərq Tərəfdaşlığı klasterləri
9 Oktyabr 2024-cü il tarixində “Rəqəmsal innovasiyaları dəstəkləmək üçün Şərq Tərəfdaşlığı klasterlərinin potensialının artırılması” mövzusunda keçiriləcək EU4Digital İKT və İnnovasiyalar Forumu üçün qeydiyyat başlanıb. EU4Digital proqramının İKT və innovasiyalar şəbəkəsi normayaradan orqanları, startapları, innovasiya klasterlərini və klaster idarəetmə təşkilatlarını, beynəlxalq donorları və rəqəmsal innovasiya və inkişaf üzrə ekspertləri tədbirə qoşulmağa dəvət edir.
Avropa Klasterlər Alyansı (ECA) ilə əməkdaşlıq çərçivəsində təşkil edilən 2024-cü il üzrə EU4Digital İnnovasiyalar Forumu Moldovanın Kişinyov şəhərində baş tutacaq. Hibrid formatda keçiriləcək tədbirə onlayn qaydada da qoşulmaq olar. Forum Avropa Klaster Əməkdaşlıq Platforması və EU4Moldova Mərkəzi Regionlar Proqramı tərəfindən təşkil edilən “Klasterlər Regionlarla Görüşür” tədbirinə paralel olaraq keçiriləcək.
Bu ilki illik yüksək səviyyəli forum Şərq Tərəfdaşlığı (ŞT) regionundan İKT və innovasiyaları və startap ekosistemlərinin liderlərini, o cümlədən hökumət qurumlarının, nazirliklərin, agentliklərin nümayəndələrini və digər ekspertləri bir araya gətirir. Hər il regionun İKT və innovasiyalar, o cümlədən startap ekosisteminin inkişafının fərqli cəhətlərinin diqqət mərkəzində olduğu tədbir bu il innovasiya klasterlərinə həsr olunub.
Bu ilki Forumda
Bu ilki forum Aİ və Şərq Tərəfdaşlığı ölkələrinin əsas normayaradanları və aparıcı klaster təşkilatları, eləcə də beynəlxalq donorlar üçün təcrübə və strateji planları bölüşmək, problemlər, klaster siyasəti və donor dəstəyini müzakirə etmək üçün platforma rolunu oynayacaq. Mövzulara innovasiya klasterlərinin inkişafı və rəqəmsal iqtisadiyyatda innovasiya klasterlərinə dəstək yolları, eləcə də onların Şərq Tərəfdaşlığı startaplarının və kiçik və orta sahibkarlıq müəssisələrinin (KOB-lar) innovativ olmaq və rəqəmsallaşmanın faydaları kimi yeniliklərdən istifadə etmək bacarığını inkişaf etdirmək imkanları daxildir.
EU4Digital İKT və İnnovasiyalar Forumunun iştirakçıları həmçinin:
- Şərq Tərəfdaşlığı klaster təşkilatlarının innovasiyaları və rəqəmsallaşmanı dəstəkləmək imkanlarına dair EU4Digital sorğusunun nəticələrini dinləmək;
- Avropa Klaster İdarəetmə Keyfiyyət Nişanını almaq üçün müqayisəli yoxlama prosesi ilə bağlı EU4Digital proqramının hansı beş Şərq Tərəfdaşlığı innovasiya klasterini seçdiyini öyrənmək;
- iştirakçı innovasiya qruplarından inkişaf trendləri və onların dəstək ehtiyacları haqqında anlayışlar əldə etmək;
- innovasiya klasterləri siyasəti və dəstəyi haqqında normayaradanlar və donorları dinləmək.
Forum haqqında əlavə məlumat və qeydiyyat
- TARİX: 9 oktyabr 2024-cü il
- VAXT: 9:00–14:00 Mərkəzi Avropa vaxtı ilə (Brüssel)
10:00–15:00 (Moldova, Ukrayna)
11:00–16:00 (Azərbaycan, Ermənistan, Gürcüstan) - HARADA: Moldovanın paytaxtı Kişinyovda şəxsən qoşulma imkanı ilə onlayn (tədbirə qoşulma keçidi qeydiyyatdan sonra göndəriləcək)
- DİL: İngilis dili
- İKT və İnnovasiyalar Forumu üçün qeydiyyatdan keçin!
Əlavə məlumat
İKT və İnnovasiyalar Forumu və klasterlərlə bağlı yeni fəaliyyətlər EU4Digital proqramının II mərhələsi çərçivəsində İKT innovasiyaları və startap ekosistemlər şəbəkəsi daxilində həyata keçirilir. EU4Digital proqramının İKT və inovasiyalar şəbəkəsinin fəaliyyətləri haqqında daha ətraflı öyrənmək üçün “İzahedici materiallara” və “Kitabxanada” mövcud olan “İKT və innovasiyalar” adlı qısa videoya baxın.
Data in Global
Mərkəzi Baltik və Azərbaycan Yaşıl Texnologiyalar və Dayanıqlılıq Forumu
Oct 14, 2024
17 oktyabrda Bakıda keçiriləcək Mərkəzi Baltik – Azərbaycan Biznes Forumu Latviyadan, Estoniyadan, Finlandiyadan və Azərbaycandan olan biznes liderləri, yenilikçilər və hökumət nümayəndələrini bir araya gətirərək dayanıqlı texnologiya sahəsində tərəfdaşlıqları araşdırmaq və gücləndirmək məqsədi daşıyır.
Qeydiyyatdan keçin! EU4Digital İKT və İnnovasiyalar Forumu: Şərq Tərəfdaşlığı klasterləri
Sep 19, 2024
9 Oktyabr 2024-cü il tarixində “Rəqəmsal innovasiyaları dəstəkləmək üçün Şərq Tərəfdaşlığı klasterlərinin potensialının artırılması” mövzusunda keçiriləcək EU4Digital İKT və İnnovasiyalar Forumu üçün qeydiyyat başlanıb.
Polşa-Azərbaycan İnnovativ Maliyyə Forumu
Jun 21, 2024
Birinci Polşa-Azərbaycan İnnovativ Maliyyə Forumu (onlayn) Polşa və Azərbaycanın fintech sektorları arasında əməkdaşlıq imkanlarına həsr olunacaq.
2024-cü il üçün Aİ Biznes Mühiti Sorğusunda Anonim İştirak Edin
Jun 07, 2024
Avropa şirkətlərini 2024-cü il üçün anonim Avropa İttifaqı Biznes Mühiti Sorğusunda iştirak etməyə dəvət edirik.
Tekstil Sektoru üçün Tədqiqat Səfəri
Jun 05, 2024
Siz KOS kimi tekstil sektorunda fəaliyyət göstərir və Şərq Tərəfdaşlığı ölkələrindən birində yaşayırsınızsa, beynəlxalq ekspertlərin təcrübəsindən öyrənmək, eyni sahədə çalışan sahibkarlarla əlaqə yaratmaq və biznesinizin üfüqlərini genişləndirmək imkanını əldən verməyin.
Bakı Enerji Forumu 2024
May 29, 2024
İyunun 5-6-da Azərbaycanda ənənəvi olaraq keçirilən Bakı Enerji Həftəsi çərçivəsində 29-cu Bakı Enerji Forumu keçiriləcək.
Açılış Tədbiri - Aİ-Azərbaycan Biznes Forumu 2024-2026
May 14, 2024
29 May tarixində Bakıda keçirilməsi planlaşdırılan 2024-2026-cı illər üzrə Aİ-Azərbaycan Biznes Forumunun Açılış Tədbirini elan etməkdən məmnunuq.
Aİ, BMTİP və tərəfdaşlar yerli iqtisadi inkişaf naminə yeni proqrama start verir
Mar 25, 2024
2024-cü ilin mart ayında Avropa Komissiyasının Genişlənmə Məsələləri və Qonşuluq Siyasəti üzrə Baş Direktoratı (DG NEAR), Birləşmiş Millətlər Təşkilatının İnkişaf Proqramı (BMTİP) və tərəfdaşları İqtisadi İnkişafın Yolları (P4EG) proqramının icrasına başlayıb.
Rəqəmsal marketinq və sosial media sahəsindəki KOB-lar və BDT-lər üçün Estoniyaya səfər təşkil ediləcək
Mar 01, 2024
“EU4Business: Şirkətlərin əlaqələndirilməsi” layihəsi EU4Business və Ermənistanın Civitta şirkəti ilə əməkdaşlıq çərçivəsində Azərbaycan, Ermənistan, Gürcüstan, Moldova və Ukraynada çalışan marketinq və kommunikasiya mütəxəssislərini may ayında Estoniyaya işgüzar səfərə dəvət edir.
Avropa Təlim Fondu “Yaşıl Bacarıqlar Mükafatı 2024” üçün ərizələrin qəbuluna başlayıb
Feb 11, 2024
Avropa Təlim Fondu (ETF) yaşıl iqtisadiyyata keçidin gücləndirilməsində bacarıqların rolu haqqında qabaqcıl təcrübə nümunələrinin və hekayələrin qəbuluna başlayıb. Şərq Tərəfdaşlığı ölkələri də bu mükafatı almaq üçün müraciət edə bilər.
Şərq Tərəfdaşlığı ölkələrinin biznesə dəstək təşkilatları üçün Brüsselə səfər
Feb 01, 2024
“EU4Business: Şirkətlərin əlaqələndirilməsi” (EU4BCC) layihəsi Şərq Tərəfdaşlığı (ŞT) ölkələrində fəaliyyət göstərən Biznesə dəstək təşkilatlarını (BDT-lər) Brüsselə bir həftəlik maariflənmə xarakteri daşıyan səfərdə iştirak etməyə dəvət edir.
BSTDB WILL HOST A BUSINESS FORUM IN BAKU
Jun 11, 2022
On the occasion of the 24th Annual Meeting of the Board of Governors, the Black Sea Trade & Development Bank (BSTDB) will host a Business Forum in Baku, on Friday, 24 June 2022.
